Me 23 Nëntor kaër skuadra startonë me ligën regjionale
Shaban Sinani
Shkëndija e Tetovës, Teuta e Durrësit, Studenti i Tiranës dhe Buduqnosti i Podgoricës janë katër ekipet të cilat do të garojnë në ligën regjionale që pritet të fillon me datën 23 nëntor. Ndeshjet e xhiros së parë do të startojnë në turnirin që do të mbahet në Tiranë . Këtë për Yllpress e pohoi trajneri i ekipit Shkëndija, Durim Luma “Po tani më është e sigurt se liga regjionale fillimisht do të starton me katër ekipe dhe atë Teuta dhe Studenti i Tiranës, Buduqnosti i Podgoricës dhe Shkëndija. Ndeshjet e turnirit të parë do të zhvillohen në Tiranë, që më pas të vazhdojnë në Podgoricë, Tetovë dhe në Durrës” tha ai.
Fillimisht për idenë e ligës regjionale parashiheshin të garojnë tetë skuadra nga Maqedonia, Shqipëria, Mali Zi dhe Bosnja e Hercegovina, të ndara në dy grupe mirëpo ekipet e Bosnjës kanë hequr dorë nga kjo ligë dhe tani kanë mbetur vetëm katër ekipe dy nga Shqipëria, një nga Mali Zi dhe një nga Maqedonia.
Krijimi i ligës regjionale është një hapë shumë i rëndësishëm për zhvillimin e volejbollit në regjion e në veçanti për volejbollin e Maqedonisë nga se mungojnë loja të karakterit ndërkombëtar. Një hapë i tillë me krijimin e një lige regjionale e cila do përbëhet nga klubet me te suksesshme të vendeve të regjionit siç parashihet ato të Maqedonisë, Shqipërisë dhe Malit Zi do ishte një interes i përbashkët për ngritjen e cilësisë së volejbollit në regjion.
Share
& Comment
Tweet