Majko: Fieri, në thelbin e kushteve të statusit

Deputeti i Partisë Socialiste, Pandeli Majko, iu rikthye çështjes së ngërçit të Fierit, në një takim me elektoratin nga Korça. 

Duke folur të dielën, Majko konsideroi të gabuar “vlerësimin e Fierit si një çështje rajonale”.

Sipas tij, çështja e Qarkut qëndron pikërisht në thelbin e kushteve për marrjen e statusit të vendit kandidat, atë të respektimit të shtetit ligjor, vendimit të gjykatave dhe respektimit të votës së lirë.

Njëkohësisht, ish-kryeministri komentoi mosprezencën e tij në ceremoninë që nderoi me dekorata të gjithë kryeministrat që pas vitit 1991.

”Nuk komentoj dekorimin dhe mozprezencën time. Ironia besoj se është e qartë”, u shpreh Majko.

Share

& Comment

Tweet