Kënga e fundit e Adrian Gaxhës “Ngjyra e kuqe” ka ngjallur debate mes Kantautorit Flori Mumajezit dhe këngëtarit Adrian Gaxha. Mumajezi pretendon se kënga e Gaxhës është një kopje e e këngës “Tallava” të realizuara vitin e kaluar, transmeton KTV. Por këngëtari Adrian Gaxha ka hedhur poshtë pretendimet e Florit duke thënë se jo vetëm që nuk e ka kopjuar këngën por se ai vet nuk e dëgjon fare muzikën e Mumajezit. Mësohet se Flori i ka dërguar një mesazh të gjatë Adrianit në “Facebook”, ku pos kësaj akuze, ka pasur edhe komente të tjera rreth Adrianit. Por, ky i fundit, duke mos dashur të ndalet më shumë në këtë çështje, thotë se Flori do të ishte i fundit që do ta kopjonte apo imitonte ai, pasi edhe nuk e dëgjon muzikën e tij. Rikthimi i tij tek “Kënga Magjike” nga ku ishte përjashtuar vitin e kaluar, ka rezultuar të jetë mjaft i komentuar. Dhe kjo, jo për shkak të këtij rikthimi, por për arsye të këngës dhe bashkëpunimit interesant me 12 vjeçin, Florian Beqiri. Kënga e tyre që mban titullin, “Ngjyra e kuqe”, ka arritur të ketë më shumë se 1 milion klikime në “Youtube” që nga paraqitja tek faza e para e “Këngës Magjike”. Kjo gjë e gëzon pamasë këngëtarin, andaj ai ka vendosur që këngës t’i realizojë edhe klipin. Pos këngës “Ngjyra e kuqe” që do të realizohet edhe me videoklip, Adrian Gaxha tregon se ka edhe shumë projekte të tjera, të cilat pret t’i publikojë në të ardhmen.
Share
& Comment
Tweet