Teliti: Ndërtimi i stadiumit nis vitin tjetër, për parlamentin s`ka fond

Stadiumi i ri pritet që të nisë të ndërtohet në 2013-ës ndërkohë që nuk është parashikuar asnjë fond për ndërtimin e parlamentit. Sekretari i Përgjithshëm në ministrinë e financave Dorian Teliti ka deklaruar se në  projektbuxhetin e vitit të ardhshëm është përcaktuar një fond prej 300 milion lekësh por nuk është parashikuar asgjë për ndërtimin e parlamentit.

Diskutimi i komisionit u përqëndrëua përsëri në krizën energjitike. “Nuk ka ende një faturë për shpenzimet e energjisë, pasi ka keqmenaxhim dhe  shumë problematike. Gjithashtu nuk kemi faturë ekzakte për borxhet ndaj kompanive” tha Teliti.

Sekretari i Përgjithshëm në Ministrinë e Financave, ka shtuar më tej se do të vijojë rritja e pagave dhe pensioneve edhe për 2013-ën ndërkohë që do të ulen shpenzimet për administratën  nga 5.2 % në 5 %.
Ndërkohë  që në komisionin për Veprimtarinë Prodhuese është diskutuar për fondin e përcaktuar për ministrinë e ekonomisë  e cila është  përfaqësuar nga sekretari i përgjithshëm  Deal Dervishi. Ndërkohë përfaqësuesit e opozitës janë përqëndruar në çështjen e privatizimit të Albpetrolit. Eduart Shalsi ka kërkuar shpjegime në lidhje me skadimin e aftatit.

Gjithashtu pa përgjigje u lanë  edhe çështja e krizës energjitike dhe e 10 investitorëve të huaj. Komisioni i la afat ministrisë së ekonomisë që të kthejë përgjigje me shkrim brenda javës.

Share

& Comment

Tweet